I samarbeid med
NAUSTKARADN
Spelar i naustet til Leidulf Finden
Tidspunkt for arrangement: 21:00, 22. mai 2026
Festival program
På Vetlesvelerøreafta
Fredag under Gamalostfestivalen blir det ein intimkonsert i Leidulv Finden sitt naust på Vikøyri frå kl 2000 og utover. Musikken blir ved gruppa Naustkaradn med Tore Røyrvik, Ola Svendsen, Endre Nese, Andre Laskerud, Ivar Tistel og Bjarte Tjønn. Dei spelar eldre popmusikk.
Det er viktig å ta vare på naustkulturen på Vikøyri. Så difor denne Nausttakkefesten. Det kan bli trongt, men Leidulv håper at det er plass til rundt 30-40 personar.
Leidulv sjølv må tidleg opp neste dag for å førebu sal av verdas beste sveler, så festen varer nok ikkje lenger enn til kl 2300-2400. (Det kan bli mogeleg å få kjøpa noko å drikka, viss ein får skjenkeløyve. )
Naustkaradn underheld i naustet med gamalpop.
Fv. Ivar Tistel, Tore Røyrvik, Endre Nese, Ola Svendsen, Andre Laskerud, Bjarte Tjønn.